Wer ka MSSASA ia ki nonghikai skul SSA sha ka General Meeting 

Syllad | The Rising MeghalayaFebruary 20, 2024

Ka Synjuk Ki Nonghikai Skul hapoh ka lama jong ka Meghalaya Sarva Shiksha Abhiyaan School Association (MSSASA), East Khasi Hill District Unit, kan pynlong ia ka General Meeting ha ka 24 tarik Rymphang hapoh Khasi National Durbar Hall Shillong Mawkhar  ha ka por 11 baje mynstep.

Ha kane ka jingialang yn ioh ban pynskhem ia ki nongkitkam ba thymmai jong ka Association bad ban iakren ia ki mat ne issue ba dang sah, kata kum ha kaba iadei bad ka jingithuh noh ne regularisation, ka jingkyntiew ia ka jingsiew bad kiwei kiwei ki mat kiba hakhmat eh jong ki nonghikai SSA.

Ha kane ka sngi kin don ruh ki nongialam ka Central Body ki ban pynshai ha kaba iadei bad ki kam ki ba bun jong ka Association.Kumta la khot khot bad wer sngewbha ia  baroh ki para nonghikai skul SSA kynthei bad shynrang na ki block unit bapher bapher ban ia pyllait por khnang khnang ban wan ha kane ka jingialang khnang ban ioh ban ia pyrkhat ia ki kam ki ba bun jong ki onghikai SSA.

Nalor kata ha kane ka jingialang yn pynshai ruh halor ki mat kiba dang sah, bad la kyntu ruh ban shim ia kane kum ka jingpyntip namar ka dei ka kam iap kam im jong ngi ki nonghikai skul SSA.

Ha kajuh ka por ka Seng ka ai ruh ka jingkhublei ia baroh kito ki para nonghikai kiba ju kyrshan bad iasnohkti lang bad ka Association ban iakhun bad ban pynurlong ia ki mat ki jong ki. Ka Seng ka kyrmen ruh ba ha kane ka General Meeting baroh kin ia mih ryntih da ka jingsngew kitkhlieh ia la ka kamram bad ia lade kum ki nonghikai skul SSA kiba dang hap ban iaksaid ia ka bit ka biang bad jinglong skhem ha ka kam. Kane ka long katkum u kyrwoh lyngba u Babu Jylliew J. Lyngkhoi, General Secretary, MSSASA-EKHDUnit.