Wer ka MSSASA ïaki nonghikai sha ka jingïalang jied nongïalam thymmai ka East Khasi Hills

Syllad | The Rising MeghalayaJanuary 19, 2020

SHILLONG: Ka Meghalaya SSA School Association, Sengkmie kan sa pynlong ia ka jingialang ban jied ia ki nongialam ba ha khmat na ka bynta ka MSSASA East Khasi Hills District Unit ha ka 24 tarik une u bnai hapoh Khasi National Dorbar Hall Mawkhar Shillong ha ka por 10:30 mynstep.

Ha u kyrwoh ba la phah da u bah Tlanwosly Jahrin Publicity Secretary ka MSSASA Sengkmie, u la pyntip ba ia katei ka jingialang ban jied ia ki nongialam ba khmat jong ka MSSASA East Khasi Hills District Unit. Kane ka jingjied nongialam ka kynthup ia u President bad General Secretary la khot ïa kane ka jingialang jied nongkitkam katkum ka rai jong ki nonghikai SSA ka East Khasi Hills District kiba don hapoh ka shatri jong ka Meghalaya SSA School Association (MSSASA) ha ka jingialang kaba la long hapoh Dorbar Hall Riatsamthiah Shillong ha ka 10 tarik mynta u bnai.

Kumta ka synjuk ka kyrpad ia baroh ki nongkitkam jong ki Block Unit bad ki nonghikai SSA hapoh East Khasi Hills District kiba don hapoh ka shatri jong ka Meghalaya SSA School Association ban pyllait por khnang khnang bad ia wan ryntih sha katei ka jingialang ban jied ia u President bad General Secretary ba thymmai.