Wer ka Seiñ Kynjei ban pynneh iaka jingkhuid ka Syntu Ksiar

Syllad | The Rising MeghalayaDecember 7, 2020

Ka Seiñ Kynjei kawei na ki seng treimon sngewbha jong ki katto katne ki samla na Jowai kila wer iaki paidbah ban shangkai pyngngad bad bam khana ban pynneh pynsah iaka jingkhuid ka sawdong sawkun ka Syntu Ksiar.

Haka sngi U Blei Ka Seiñ Kynjei ka la pynlong ïaka jingpynkhuid ïaka Syntu Ksiar ryngkat ka jingïatreilang bad ka Dorbar Shnong Panaliar Jowai halor ka phang “Nature take care of us, lets return the favor”.

Hashwa ban sdang ïaka jingpynkhuid ka la don ka jingïalang lyngkot ba la pynïaid da u Arwanki Laloo Secretary Seiñkynjei bad ki kyntien lyngkot na u Kaida Thma dkhot Seiñkynjei kumjuh na u Waheh Shnong Panaliar u Riquoma Rq Laloo.

Baroh ki nongkren ki la kyntu ïaki paidbah khamtam ki nongïaid kai pyngngad bad nongwan bam khana ha kane ka jaka ban ïatreilang ban pynkhuid ia kane ka jaka, khnang ban neh ka jingitynnad ka jong ka.

Na ka liang ka Seiñ Kynjei ka la ai khublei ïaka Shnong Panaliar kaba la ïatreilang kumjuh ki riew shimet kiba la iadon bynta ban pynkhuid.