Wer ka Seng Khynnah Seng Khasi Riwar Mihngi sha ka Lympung ba 14 jong ka

Syllad | The Rising MeghalayaNovember 28, 2023

Ka Seng Khynnah Seng Khasi Riwar Mihngi kan pynlong ia ka Lympung kaba 14 ki Khynnah Seng Khasi Riwar Mihngi ha ka 9 bad 10 tarik u Nohprah 2023, ha ka shnong Mawshun ka ban sdang naduh ka por 10 baje mynstep.

Kumta ka Seng ha u kyrwoh lyngba u Bah Lurshaphrang Khongsam President ka khot ka wer lang ia baroh ki para kur para kha kiba bat ba ksoh ha la ka jong ka Niam Khasi kaba la ioh diangti na ki longshuwa manshuwa ba kin sngewbha ban ia wan ban pynshit pynshngain lem ha katei ka sngi khnang ba ka Lympung kan long kaba phuh ba phieng bad kaba shongkun shongblei.

Kumta ka jingpyntip ka Shnong Mawshun ka jngai tang kumba 18 km na ka lynti surok Pynursla Dawki.