Wer ka Shillong Lajong FC ia ki khynnah U-13 sha trial ha SSA Stadium, Shillong

Syllad | The Rising MeghalayaJune 14, 2024

Ka Shillong Lajong Football Club lyngba une u kyrwoh ka pynpaw ka jingkmen ban pynbna halor ka jingplie ia ka trial ne ka jingpyrshang na ka bynta ki khynnah shynrang kiba hapoh 13 snem rta kiba dei ki nongshong shnong trai shnong ka Jylla.

Ia kane ka trail yn pynlong ha ka 22 tarik Jylliew 2024 ka ban sdang naduh ka por 11 baje mynstep hapoh Madan SSA Stadium, Polo Shillong. Kito kiba lah ban wan iashim bynta sha kane ka trial kidei ban long kito kiba la kha ha ka 1 tarik Kyllalyngkot 2012 lane shwa ka 31 tarik u Nohprah 2013.

Kito kiba kwah ban wan iashim bynta ki dei ban wanrah ia ki Aadhaar Certificate/ Aadhaar Acknowledgement slip na ka bynta ka jingpynthikna ia ka rta bad ruh ban wanrah hi ia la ki jong ki tiar jingdonkam, kaba kynthup naduh ki juti ialehkai bad kiwei kiwei.

Kane ka sienjam ba la shim da kane ka club ka thmu ban btin lynti ia ki sap jong ki khynnah da kaba plie ia ka rynsan ha kaba kin ioh ban pynpaw ia la ki jong ki sap ki phong ha kane ka jait jingialehkai.

Kumta kum ka Club kaba pawkhmat bad kaba don ia ka jingkut jingmut ban kyntiew ia ka sap ka phong jong ki khynnah ha ka jingialehkai football ka khot ka wer sngewbha ia ki khynnah sha kane ka trial.

Kumta la kyntu ia ki kmie ki kpa kiba don jingmut ban phah ia la ki jong ki khun ki lah ban phone sha kine ki nombor na ka bynta ban leh ia ka registation: 9863373299 | 8413055863.