Wer ka sorkar sha ka jingpynrung kyrteng iaki nongtrei bylla hapoh ka e-Shram

Syllad | The Rising MeghalayaNovember 25, 2021

Ka e-Shram Portal ka dei ka portal bala pvnmih da ka tnad Labour & Employment ka Sorkar India haka 26h August 2021 ban pynrung kyrteng ia baroh ki nongbylla jong ka Ri ha katei ka portal, kaba kynthup ia ki  nongtrei ASHA, Anganwadi, MGNREGA, Nongtrei Misteri, ki ba shong kan ha ki ing briew, ki Nongrep, kiba trei kam lajong, kiba die madan, kiba die dukan, ki nongkhwai. kiba ri jingri bad kiwei pat ki bym biang ka kamai kajih

Ka jingpynrung kyrteng ne register lah ban leh hi da lade lyngba ka link: https://www.eshram.gov.in lane da kaba leit sha  ki Common Service Centre (CSC)/ Rainbow Centre kiba don hapoh shnong ne hajan shnong.

Ki kyndon ne jingdonkam ia kiba pynrung kyrteng ha ka E-Shram portal:

• Dei ban don hapdeng 16-59 snem ka rta, Dei ban don ka Aadhar Card, Dei ban don u Mobile Number ba link bad ka Aadhar, Dei ban don ka Bank Account ba trei kam bad ym dei ban long u/ka dkhot jong ka EPFO, ESIC lane NPS.
• Ia ka registration lane jingpynrung kyrteng ka long kaba ym donkam ban siew bad ia mynta, ka jingmyntoi ka long ka jingiada lane insurance kaba kot 2 lakh tyngka lada iap aksiden lane dkoh pura bad 1 lakh tyngka lada mynsaw bad dkoh shiteng. Nangne shakhmat ruh, kiwei kiwei ki lad jingiarap na ka liang ka Sorkar kin iaid beit lyngba kane ka portal.