Wer sngewbha ka San Shnong Welfare Association Mukhaialong sha ka Iadaw Rong

Syllad | The Rising MeghalayaSeptember 13, 2023

Ka San Shnong Welfare Association, Mukhaialong kala pyntip ba ka kumba juh long manla u snem, mynta ka kynti ruh kan pynlong iaka Iadaw Rong haka 19 tarik Nailur (September) ka ban sdang naduh ka por 10 Am ban pynmih pisa iaka school San Shnong Secondary School kaba don ha Mukhaialong.

Kane ka skul ka dei kawei na ki school haka thain San Shnong kaba kyrshan iaki khynnah kiba wan na ki longiing kiba duk kiba ym ioh lad ban leit skul sha sor.

U general secretary San Shnong Welfare Association u ma Tyrnit Pdein, ula ong ba nakaliang ka synjuk ka khot wer sngewbha ia baroh ki para lok para jor kiba na jan na jngai ban wan sha kane ka tamasa. Ula ong ba ha kane ka tamasa kin don shibun ki jait jingbam kiba mih na ka thain San Shnong, ryngkat ka jingialehkai kaba ba bun jait nalar kata yn pyniadur iaki masi ba paw nam bha ha ka district.

Ia kane ka prokram la pynbit pynbiang da ka shnong Pynthorsale, Mukhaialong, Mutong, Cham cham bad Lumshyrmit.