Wer u Bah John Kharshiïng ia kiba kwah ban leit trei sha ka ri Slovakia ha ka jingsiew kaba biang

Syllad | The Rising MeghalayaDecember 4, 2023

U Bah John F Kharshiing, Co-Chairman, Meghalaya State Planning Board, ka sorkar  Meghalaya ha kine ki khyndiat sngi ba la lah u la pyntip ha kaba iadei bad ka jinglait jong kumba 200 tylli ki kam bapher bapher ha ka Ri Slovakia ha ka thain Europe ha ka jingsiew kaba long 60,000 haduh palat 70,000 shi bnai, kata hadien ba ki la pyndep ia ka jingshah hikai.

Nalor ka jingsiew ki don ruh shibun kiwei pat ki jingmyntoi bad kan don ruh ka voluntary retirement insurance, life insurance, ban thied kali ha ka dor kaba duna, ki lad jingiarap pisa haba iakynduh jingeh, allowance bad kiwei pat ki jingmyntoi ha ka imlang ka sahlang.

Ia ki jingtip kiba kham bniah lah ruh ban phone sha une u nombor +91 70858 99519 jong katei ka kynhun “Asporea” ki ban sa batai kham bniah ha kaba iadei bad ki kyndon.

Lyngba une u kyrwoh u Bah Kharshiiing u pyntip ruh ba kito kiba kwah ban leit trei sha katei ka ri ki dei ban long shisha kiba skhem jingmut bad ban trei shitom, namar bun sien ki leit tang shipor bad ki wanphai noh katba kiwei ki jaidbynriew te ki iaknieh ban ioh kam ioh jam.

U la ong ruh ba hadien ba ki la dep iakren bad kitei ki dkhot ka “Asporea’ ba dei khmih ki lah ruh ban pyntip lang sha ki khnang ba kin ioh ban buddien shuh shuh. Bah John F Kharshiing whatsapp 9436102663.