Wer u BDO Khliehriat ia u paidbah ban iashimbynta haka SHG Mela bad Health Camp

Syllad | The Rising MeghalayaOctober 8, 2021

Ka ophis u Block Development Officer, Khliehriat C&RD Block, East Jaintia Hills District kan pynlong iaka SHG Mela bad Health Camp ban lehkmen iaka lyngkhuh snem ba 50 ka jingioh jylla ba pura haka 12 tarik Risaw (October) 2021 ha phylla ka ophis u Deputy Commissioner.

The jingthmu jong kane ka prokram ka long ban ai jinghikai ban iakhun pyrshah iaka jingduk jingkyrduh ne ka Poverty Alleviation Programme kaba hap hapoh ka NRLM.

Ha kane ka jinghikai yn iarap iaki longkmie ba duk bad ban iarap thaw iaki SHG nalor ban iarap pyniasoh iaki bad ki bank.

Kan don ruh ka jingai jinghikai halor ka koit ka khiah khamtam kumno ban iakhun iaka khlam COVID-19.

U Block Development Officer ula kyntu iaki paidbah ban wan sha kane ka prorkam ban ioh jinghikai bad jingtip ba bniah halor ka jingpynrung kyrteng bad registration bad thaw SHG, MHIS Smart- Card Registration, Aadhaar Card enrolment, Schemes hapoh Fisheries Department.