Wh. Kambell Chullai “U Khai – U Piar ka Ri – ka Jaitbynriew”

Soolangki LalooJune 16, 2021

Kum ban pynkynmaw ia u Waheh Kambell Chullai lakha ha ka 8 tarik February 1939 bad u la khlad na kane ka pyrthei ha ka 16 tarik June 2012. U Wh. Kambell Chullai u dei shisha U Khai – U Piar ka Ri – ka jaitbynriew, uba da ka sap kyrpang ba ai U Blei nongbuh nongthaw bad lyngba ka jingshemphang  ula lah ban pynmih pyrthei ia ka Khnap thangbriew ne Eco- friendly Crematorium kaba long ka  jingkyrkhu bad ka burom bakhraw ia ka Ri bad ka  jaitbriew bad kaba ai jingmyntoi ruh ia ki briew ba pyndonkam ia ka bad kumjuh ruh kaba ai jingiada ia ka mariang ban lait na ka jingsyllen ne pom pathar ia ki dieng  kat haduh ba na ka liang ka tnat treikam jong ka sorkar  badei peit ia ki kam khlaw kam lah khlem da iaroh bad ithuh ia kane ka kam u Waheh Kambell Chullai.

Shiphew snem mynshwa ngim lah ban klet ba ha kum kane ka sngi 16 tarik June kadei ka sngi sah kynmaw sah khanatang, ka sngi ha kaba u lyoh dum jong ka jingsngewsih u la wan ha ka iing ka sem, ki khun ka Raij Jwai kumjuh hapoh ka bri u hynniewtrep hynniewskum  ha kaba hapdeng ka jingdawa jong ka juk ka por ban iohi shuh shuh ia ka sap bad ka jingshemphang kiba long ki jingkyrkhu bad myntoi ia ka imlang sahlang u Waheh Kambell Chullai u la khlad na kane ka sla pyrthei.

Pynshongnia shongnongrim ia ka sap kyrpang u Waheh Kambell Chullai ban pynmih pyrthei ia ka Khnap Thangbru (Eco- friendly Crematorium), shisha ym lah ban len ka long ka jingkyrkhu bakhraw ia ki khun ka niamtre ne ia ki briew ba pyndonkam ia ka ha kylleng ki shnong ki thaw bad ka da pynsuk haduh katta ia man ki longiing kiba shim ban pyndep ia ka niam iap kat kum ka jingngeit niam tynrai.   Ha lyndet kine kiei kiei baroh ki jingkyrkhu ba laioh, Mih u Dak Jingkylli ban pashat ha ki khun ka niamtre, ka ri ka jaitbynriew. Hato lada ka sap bad ka jingshemphang u Waheh Kambell Chullai, ka long ka jingkyrkhu ia kane ka juk kaba mynta, kaei pat ka kamram jongngi kum ki pateng ba ngi dei ban leh ha ka ban pynkhraw bad tynrong ia ka kyrteng bad ka nam u Waheh Kambell Chullai?

Chiphaw snem nachwa ynne ka sngi
Wh. Kambell Chullai dajngai na I,
Bru wa chynna jngai yei chadien chaphrang
Khakti wymwiar Wei sap kyrpang.

Eco-Friendly Crematorium dachna,
Kyllein ki Chnong ki thaw dabna.
Khmat Bru Kat wa ioo yei man iongka
Du kiwa yaroh yei sap mi iwa paka.

Chiboon iame wa niawliang niawtang
Ya ki Kam wasah wa yooluti wa Yang
I por iame wan ymchah de I,
Hukum Blai datoh wow lai neini.
Wh. Kambell Chullai Im I pyrtuid I nam ïongme
Chihajar Ngooh wei Sñiaw Makhane.