WJDSA 1st Div Football: Rung semifinal ka Sohmynting, duh ka Khimusniang, hiar ka Sabhamuswang sha ka 2nd Div

Syllad | The Rising MeghalayaOctober 31, 2024

Ka Sohmynting SC kala lah ha kaban pynthikna ialade ban buh jaka haka kyrdan semifinal hadien ba kala lah ban pynliem da 1-0 iaka Sabhamuswang SC haka 1st Division Football Tournament ka West Jaintia District Sports Association (WJDSA) kaba long ha Kiang Nangbah Stadium kaba long haka 31 tarik u Risaw.

Ia kane ka shikol ka Sohmynting la thep da u Ksan Lyngdoh (25) kaba la mih paw haka dur jong ka own goal.

Kane ka nam jop ka Sohmynting kala khang lad syndon iaka Khimusniang SC ban rung sha ka semifinal mynta ka aiom ialehkai.

Ka Sohmynting bad ka Chutwakhu kiba dei ki ar tylli ki kynhun kiba buh jaka haka semifinal kila kamai mar 10 point haka mieh iakhein point bad ka Khimusniang (9 point) na ki san sien iakhun naka pool A.

Katba ka Sabahmuswang kabym shym la lah ban ialehkai bha mynta ka aiom kala hap ban hiar noh sha ka kyrdan 2nd Division jong ka WJDSA.

Haka 1 tarik Naiwieng ka jingialehkai kan long hapdeng ka Mooknor Thadmuthlong bad Mukhla Evergreen haka por 2.00 baje nohphai sngi.