WJDSA: Bteng khur namjop ka Mukhla haka Invitation Football, jop ka Chilliangraij haka Second Div.

Syllad | The Rising MeghalayaSeptember 7, 2023

Ka Mukhla kala jop da 2-1 iaka Ladthadlaboh bad kane kala pynlong iaka ban bteng ha kaban khur namjop haka (L) Kesilroy Pala Invitation Football Knockout Tournament. Ka Chilliangraij kala jop da 4-1 iaka Mooknor Thadmuthlong haka Second Division Football.

Baroh ar tylli kine ki jingialehkai dei kiba pyniaid da ka West Jaintia District Sports Association (WJDSA) ha Kiang Nangbah Stadium.

Haba phai sha ka jingialehkai haka sngi Balang, ka Mukhla kala tam shakhmat naduh ba sdang ka jingiakhun lyngba ka kol kaba la thep u Remark Kharmalki 29′, ka kol kaba ar la thep da u Fullmoon Mukhim 84. Shikol ka Ladthadlaboh la thep da u Buromlangki Salahe 75′

Da kane ka namjop ka Mukhla kala buh jaka ialade haka kyrdan jong ka quarterfinal ha kane ka Invitational Football Knockout Tournament.

Mynta ka sngi Palei, ka jingialehkai kanlong hapdeng CSA United pyrshah iaka Wahiajer FC haka por 2.00 baje nohphai sngi.

Haba phai sha ka jingialehkai second division, iaki saw kol ka Chilliangraij la thep mar shikol da u Hamewan Rngad 28′, Mayalang Lanong 38′, Chanki Iakai 46′ bad u Sajemiki Shylla 64′. Iaka shikol Mooknor Thadmuthlong la thep da u Morningstar Lyngdoh 31′.

Ka jingialehkai mynta ka sngi kan long hadpeng ka Lion SC pyrshah iaka NSA haka por 12.00 baje nohphai sngi.