WJDSA: Jam noh ka Second Division bad ka (L) Kesilroy Pala Invitation Football sha ka semifinal

Syllad | The Rising MeghalayaSeptember 24, 2023

Ki ar tylli ki lympung ialehkai football kaba pyniaid da ka West Jaintia District Sports Association (WJDSA), kata, ka Second Division bad ka (L) Kesilroy Pala Invitation Football kila jam noh sha ka jingiakhun semifinal. Ka semifinal jong ka second division kan long haka 27 bad 28 tarik Nailur, katba ka invitation football pat kan long haka 29 bad 30 tarik u Nailur.

Haba phai sha ka jingialehkai quarter final kaba khatduh haka invitation football ka Salaroh kala jop da 9-2 iaka Mynsngat haka jingiakhun kaba long ha madan Kiang Nangbah Stadium haka sngi Saitjain.

U namtam ha kane ka jingiohkhur namjop ka Salaroh u dei u Ernest Marwein ha kaba marwei ula khyrwit haduh saw kol 67’, 69’, 73’, 78’. Sa san kol la thep da u Debor Kesaar 11’, Arlangki Nongsiej 45’+1, Wanlamsuk Nongkhlaw 58’, 72’ bad u Bishar Kharummuid 76’.

Ki ar kol ka Mynsngat SC la thep da u Nidaioh Dhar 35’, 90’.

Da kane ka namjop ka Salaroh kan aireng pyrshah iaka Rymbai Shkenshynriah FC haka semifinal kaba ar, katba ka Mukhla kan aireng pyrshah iaka Diengshynrum haka semifinal kaba nyngkong.

Ka jingiakhun Semifinal kaba nyngkong jong ka lympung ialehkai Second Division Football Tournament-6th Debo Shullai Memorial Trophy kan long hapdeng ka Lion pyrshah iaka Chutwakhu haka 27 tarik por 1.30 baje nohphai sngi. Kaba ari hadpeng ka Shangpung Khliehmuchut pyrshah iaka Mooknor Thadmuthlong haka sngi kaba bud haka por 1.30 baje nohphai sngi. Ka jingialehkai final haka 2 tarik Risaw