WJDSA: Jop bunkol ka Dulong, Rising Mukhla bad ka Pammanik haka Under-17 bad Third Division

Syllad | The Rising MeghalayaAugust 2, 2023

Ka Dulong bad ka Rising Mukhla kila jop bun kol haka jingialehkai Independence Day Cup Under-17 bad Third Division Football kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ka Dulong kala jop 6-0 iaka NSA haka jingialehkai Under-17. Ia kine ki 6 kol la thep mar shikol da u Sahame Lyngdoh 22’, u Yobhalangki Ryngkhlem 29’, u Lovingstar Suting 31’, u Kynsai kupar Bareh  47’, u Da o chwa Shylla 51’ bad u Janial Rasmut 54 kaba la biang pura iaka Dulong ban khur iaka namjop.

Ka jingialehkai hadpeng ka Lion SC pyrshah iaka Tpeppale kala kut da 1-1. Iaka kol jong ka Lion SC la thep da u Niawki Phawa 59’ bad iaka kol jong ka Tpeppale la thep da u D. Dkhar 40’.

Haba phai sha ka jingialehkai Third Division, ka Rising Mukhla kala pynliem da 7-1 iaka Saindur Mihmyntdu. U namtam ha kane ka jingialehkai u dei u Chebun Suna uba marwei ula khyrwit 3 kol haka minit kaba 40’ , 43’, 46’, ar kol na u D Nongrum 52’, 56’ bad mar shikol da Rimi Pyrtuh 30’ bad u Phrangsngi Challam 35’. Shikol ban lait brut ka Saindur kala ioh thep lyngba u Kenal Dkhar 68’.

Kawei par ka jingiakhun, ka Pammanik ka la pynliem iaka Catholic Youth da 4-2. U Jamris ula thep lai kol mar wei haka minit kaba 2’ , 33’ bad 60’ bad shik na u Emlang Pakma. Katba ar kol ka Catholic kala mih paw haka dur jong ka own goal kaba la thep da u player ka Pammanik, u B Lanstang 46’, 53’