WJDSA: Jop ka Demthring haka First Division, sdang sa ka Super Division

Syllad | The Rising MeghalayaOctober 18, 2023

Ka Demthring kala jop da 1-0 iaka Sabahmuswang haka jingialehkai First Division Football Tournament-Chatister Kharkongor Memorial Trophy 2023 kaba pyniaid da West Jaintia District Sports Association (WJDSA) kaba long haka sngi kaba Ar.

Ia kane ka shi kol ka Demthring la thep da u Justify Ryngkhlem 45’+1 kaba la biang pura iaka ban khur iaka namjop.

Ka WJDSA kala pyntip ruh ba ka lympung ialehkai Super Division- U Kiang Nangbah Memorial Trophy kan sdang noh haka 18 tarik Risaw da ka jingialehkai ka Khimusniang pyrshah iaka Shangpung Lumiawmuchai haka por 2 baje nohphaisngi.

Haka First Division pat ka jingialehkai kan long hapdeng ka Mookyndur pyrshah ïaka Nangbah Ïawmusiang haka por 12.00 baje nohphai sngi.