WJDSA: Jop ka Nangbah Mulang haka Super Div, ka Moosalyngkat haka First Div

Syllad | The Rising MeghalayaOctober 22, 2023

Ka Nangbah Mulang bad ka Moosalyngkat kila khur namjop haka lympung ialehkai Super Division Football bad First Division Football kaba pyniaid daka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Haka jingialehkai First Division ka Moosalyngkat ka la pynliem da 1-0 iaka Khliehiongriang. Kane ka kol kala wan haka minit kaba khatduh lyngba u Edious L Laloo 90’+2 minit kaba la biang pura iaka Moosalyngkat ban khur iaka namjop.

Haka Super Division pat, ka Nangbah Mulang kala jop da 3-1 iaka Mynthong. Ia kine ki lai kol la thep da u Albert Lyngdoh 49′ bad 85′ bad u Soki Lamare 62′. Ka shikol ka Mynthong la thep da u Pynkhreh Talang 15′.

Haka 23 tarik Risaw ka jingiakhun First Division kan long hapdeng ka Dulong pyrshah iaka Luti Tuber haka por 12.00 baje mynsngi. Haka Super Division ka jingiakhun kan long hapdeng ka Mukhla Raij SC pyrshah iaka Lumiawmushai Shangpung haka por 2.30 baje nohphai sngi.