WJDSA: Jop ka Panaliar bad ka Khliehmuchut haka Second Div, mynta ka sngi yn sdang iaka football pynsah nam ia u kpa u ma Sniawbhalang Dhar

Syllad | The Rising MeghalayaSeptember 2, 2023

Ka Panaliar SC bad Khliehmuchut Shangpung kila khur jingjop haka Second Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Katba kawei pat ka jingialehkai football kaba la tip kum ka (L) Kesilroy Pala Invitation Football Tournament kaba pyniaid da ka WJDSA kan sdang mynta ka sngi (2 tarik Nailur) ha Kiang Nangbah Stadium. U Kesilroy Pala u dei u kpa jong u ma Sniawbhalang Dhar Myntri Sorkar bad u MLA ka Nartiang bad u MLA barim ka Umroi ma Ngaitlang Dhar.

Ka khusnam ha kane ka Invitation Football Tournament kalong T. 5 lak iaka lahduh bad T.2 lak iaka lahduh ba ar bad ki trophy. Baroh ki jingpynlut pynsep la pynlut da u ma Sniawbhalang Dhar.

Ha kane ka tournament kaba ka jingialehkai ka long haka dur jong ka knockout bad ki don haduh 17 tylli ki kynhun bad yn sdang ia kane ka jingialehkai da ka jingiakhun ka Mukhla FC pyrshah iaka Mupliang FC haka por 1:30 PM. Ia kane ka tournament yn wan plie paidbah iaka da u MLA barim ka Umroi ma Ngaitlang Dhar.

Haba phai pat sha ka resol second division football, ka Panaliar kala jop da 3-1 iaka Pynthorlangtein. Na kaliang ka Panaliar la thep da u Obram Sumer 18′, u Sam o wan Sumer 26′ bad u Jekisai Shullai 57′. Shikol jong ka Pynthorlangtein la thep da u Sainmitre Lipon 40’+1.

Ka Khliehmuchut Shangpung ka la pynliem da 2-1 iaka iaka Iawmulong Nartiang. U Dabiang Law marwei ula thep ar kol 71′ & 74′ kaba la biang pura iaka Khliehmuchut bn khur iaka namjop. Shikol ka Iawmulong Nartiang la thep da u Meker Pyrtuh 80′.