WJDSA: Jop ka Sailung iaka Mynthong haka Super Div, iakhaid ka First Div

Syllad | The Rising MeghalayaOctober 25, 2023

Ka Sailung Ialong kala pynliem da 2-0 iaka Mynthong haka Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

U Bachan Pale 51′ bad 90′ marwei ula thep ia kine ki ar kol kaba la biang pura iaka Sailung ban khur iaka namjop.

Ha shuwa kane, ka jingialehkai First Division Football Tournament hapdeng ka Shangpung Moosyiem pyrshah Mookyndur kala kut da kaba iakhaid mar 1-1.

Na kaliang ka Shangpung Moosyiem la thep da u Niwanshan Sajem 40′ bad iaka kol jong ka Mookyndur la thep da u Jomsing Pariat 54′.

Ka jingialehkai Super Division lashai ka sngi Palei kan long hapdeng ka Ladthadlaboh pyrshah iaka Nangba Mulang. Haka First Division, ka Nangbah Iawmusiang pyrshah iaka Demthring.