WJDSA: Jop ka Wahiajer, Ladthadlaboh haka First Div & Super Div

Syllad | The Rising MeghalayaOctober 20, 2023

Ka Wahiajer SC kala jop da 3-2 iaka Sohmynting, katba ka Ladthadlaboh kala pynliem da 3-0 iaka Sailung Ialong haka First Division bad Super Division Football Tournament kaba pyniaid da ka West Jaintia District Sports Association kaba long ha Kiang Nangbah Stadium haka sngi Thohdieng.

Haka jingialehkai First Division, ka Wahiajer la thep ia kine ki kol da u Janario Phawa 36′, Ebormi Jat 40′ bad u Niwan O Gatphoh 90’+2. Ar kol ka Sohmynting la thep da u Marlangki Suting 70′ (own goal) bad u Auspicious Pamthied 88′.

Haba phai sha ka Super Division, u Buromlangki Salahe 11′, Banteilang Shylla 31 bad u Kindness Mukhim 72′ kila thep mar shi kol kaba la biang pura iaka Ladthadlaboh ban khur iaka namjop.

Lashai ka sngi Saitjain, ka jingialehkai Super Division kan long hapdeng ka Nangbah Mulang pyrshah iaka Mynthong. Haka First Division ka Khliehiongriang pyrshah iaka Moosalyngkat.