WJDSA: Lashai ka final Third Div, jop ka Nangbah Dukhu bad ka Khliehmynkrem haka Second Div

Syllad | The Rising MeghalayaAugust 28, 2023

Ka jingiakhun final haka kyrdan Third Division Football Tournament kaba pyniaid da ka West Jaintia District Sports Association (WJDSA) kan long lashai ka sngi ba ar hadpeng ka Mukhla Umlangshor pyrshah iaka Madankynsaw Mowkyndeng. Ka jingialehkai kanlong haka por 1:30 Pm ha Kiang Nangbah Stadium.

Haba phai pat sha ka jingialehkai Second Division ka WJDSA kaba long haka sngi Nyngkong, ka Nangbah Dukhu kala jop da 2-0 iaka Caroline Colony. U Shanlang Thubru marwei ula thep ia kine ki ar tylli ki kol haka minit kaba 58′ bad 70′.

Ha kawei pat ka jingialehkai ka Khliehmynkrem kala pynliem da 3-1 iaka Maitshaphrang Mowtyrshiah.

U Marle Khlem ula lah ha kaban lam lynti iaka Khliehmynkrem ban khur ia kane ka namjop ha kaba marwei ula thep ar kol haka minit kaba 3′ & 18′ bad shikol la iarap thep da u E Mynthlu 65′. Katba na kaliang ka Mowtyrshiah la thep da u Pynsakhiat Dkhar 42′.