WJDSA: Mulang Royal Pole haka Third Div, ka FAM, Demthring haka U-17

Syllad | The Rising MeghalayaJuly 26, 2023

Ka Mulang Ialong, Royal Pole Mihmyntdu, ka FAM bad ka Demthring kila khur namjop haka jingiakhun football Third Division bad Under-17 kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Haba phai sha ka jingiakhun Third Division, ka Mulang Ialong kala jop da 2-0 iaka Lumpyrtuh Mihmyntdu. Ia kine ki ar kol la thep da u Tellmi Mulieh 50’ bad u Challet Phawa 64’.

Ka Royal Pole Mihmyntdu kala jop da 3-1 iaka Nangbah Khloopano. Ia kine lai kol ka Royal la thep da u Pynshai Chullet 5’ bad 14’ bad Marsanki Suchiang 44’. Shikol ka Nangbah Khloopano la thep da u Aiban Lamare 64’

Haba phai pat sha ka jingiakhun Under 17, ka FAM kala jop 3-0 iaka Salaroh. Ia kine ki kol la thep da u Banshan Suchiang 9’, Jeri Messi Pohdweng 44’ bad u Kamjuhi Phawa 49’. Katba ka shikol u Dangkermi O Ryngkhlem 26’ kala biang pura iaka Demthring ban pynliem da 1-0 iaka Catholic Youth.