WJDSA: Plie iew iadie iathied player haka First Div

Syllad | The Rising MeghalayaAugust 30, 2023

Ka West Jaintia District Sports Association (WJDSA) kala pyntip ba kala plie iaka iew iadie iathied player haka sien kaba ar ne ka Second Window Transfer haka kyrdan First Division jong kane ka aiom ialehkai.

U Hony. General Secretary ka WJDSA, u ma Lammat OO Laloo, ula ontg ba kane ka iew iadie iathied kan sdang naduh ka 12-18 tarik Nailur bad la shah ban transfer tang ia kiba dang thymmai.

Shuh shuh u ma Lammat OO ula pynbna ruh ban sdang shen iaka First Division Football Tournament kaba la tip kum ka 11th Chatister Kharkongor Memorial Trophy.

Ka bai rung (entry fee) bad ban registration iaki player ka long T. 3250/-, ka tarik kaba khatduh ban pynpoi bai rung kalong 11.09.2023.

Ki kynhun mynta ka aiom ialehkai ha kane ka kyrdan ki kynthup iaka Nangbah Iawmusiang, Mosalyngkat, Sohmynting, Sabahmuswang, Mukhla Evergreen, Wahiajer, Luti Tuber Social Welfare, Demthring, Mookyndur, Khliehiongriang, Shangpung Moosyiem bad ka Dulong.