WJDSA Republic Day Cup: Yn sdang da ka jingialehkai ka Lutituber vs FAM bad ka Iawmusiang Nangbah vs Catholic Youth Mihmyntdu

Syllad | The Rising MeghalayaJanuary 8, 2024

Ka jingialehkai ki khynnah hapoh 13 snem kaba tip kum ka ‘Republic Day Cup Football Tournament’ ba la pyniaid da ka West Jaintia District Sports Association (WJDSA) kan sdang noh ha madan Kiang Nangbah Stadium, Jowai haka 8 tarik Kyllalyngkot.

Kane ka jingialehkai kan sdang naduh ka por 9.00 baje mynstep da kaba phiah iaka madan haki ar bynta. Ki don 18 tylli ki kynhun bad phiah haki saw tylli ki Pool kynthup ka Pool A, B, C bad D.

Ki kynhun kiba hap haka Pool A, ki long ka Luti Tuber Ialong, FAM, Iawmusiang Nangbah bad Catholik Youth Mihmyntdu.

Haka Pool B, ki long ka Mynthong, Panaliar, Dulong, Sabahmuswang bad Chutwakhu.

Haka Pool C, ka Sailung Ialong, Iongpiah, PSA bad Demthring.

Haka Pool C, Chilliangraij, Iawmulong Nartiang, Lumkyrwiang, Ksehsylle Ialong bad Khimusniang.

Haka sngi sdang ka jingiakhun kan long hapdeng ka Luti Tuber Ialong pyrshah iaka FAM, ka Iawmusiang Nangbah pyrshah iaka Catholik Youth Mihmyntdu haka por 9.00 baje mynstep.

Ka Mynthong pyrshah iaka Panaliar, ka Dulong pyrshah iaka Sabahmuswang haka por 10.15 baje mynstep.

Ka Sailung Ialong pyrshah iaka Iongpiah, ka PSA pyrshah iaka Demthring haka por 11.30 baje mynstep.