WJDSA Republic Day Cup: Jop ki khynnah ka Dulong, Sabahmuswang, Iawmulong Nartiang

Syllad | The Rising MeghalayaJanuary 10, 2024

Ki khynnah ialehkai football ka Dulong, Sabahmuswang, Iongpiah, Khimusniang, PSA bad ka Iawmulong Nartiang kila khur namjop haka Under-13 Republic Day Cup kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 10 tarik Kyllalyngkot.

Haba phai sha ka jingialehkai, ka Sabahmuswang ka la pynliem iaka Chutwakhu da 4-1.

U Deiwaemitre Shylla jong ka Sabahmuswang ula ioh khur hattrick hadien ba ula thep lai kol haka minit kaba 10, 18 & 20 katba ia shikol pat la thep da u Syiem Kyndait 17 minit. Iaka kol jong ka Chutwakhu la thep da u Nelson Krem 7 minit.

Ka Dulong ka la pynliem iaka Mynthong da 4-0. Ia kine ki kol la thep da u Man I Khan Kyndiah 30 minit, Fayian Tariang 32, Arkini Bamon 51 bad Ha uni O Syiemlieh 53 minit.

Ka PSA ka la pynliem iaka Sailung Ialong da 2-1. Iaki kol jong ka PSA la thep da u Wanlam Pyrtuh 18 minit bad u Elezer Bareh 35 minit katba ka shikol jong ka Sailung Ialong la thep da u Iobiang Rymbai 16 minit.

Ka Iongpiah ka la pynliem iaka Demthring da 2-1. Iaki kol jong ka Iongpiah la thep da u Dayoohimi Laloo 22 minit bad u Saiwotibor Suwer 59 minit katba ka shikol jong ka Demthring la thep da u Arwankimi Suting 31 minit.

Ka Khimusniang ka la pynliem iaka Chilliangraij da 2-0 bad ia kine ki kol jong ka Khimusniang la thep da u Arwa oo Siangshai 33 minit bad Ruddyson Sutnga 42 minit.

Ka Iawmulong Nartiang ka la pynliem iaka Lumkyrwiang da 3-0 bad ia kine ki kol jong ka Iawmulong Nartiang la thep da u Mewanhi Maskut 7 minit bad Dini Raliang 52 & 55 minit.