WJDSA: Rung ka Mooknor Thadmuthlong sha ka semifinal Second Div, jop ka Ialong haka Invitation Football

Syllad | The Rising MeghalayaSeptember 16, 2023

Ka Moonknor Thadmuthlong ka long ka kynhun kaba saw ban buh jaka haka semifinal haka kyrdan Second Division Football Tournament kaba pyniaid da ka West Jaintia District Sports Association (WJDSA) hadien ba kala jop iaka Lumpariat haka jingialehkai quarterfinal kaba long ha Kiang Nangbah Stadim haka sngi Saitjain.

Ka namjop ka Mooknor kala wan lyngba ka tie breaker da 5-3. Haka jingialehkai haka por kaba la buh, ka jingiakhun kala kut da kaba iakhaid da 3-3.

Da kane ka namjop ka Mooknor kan aireng pyrshah iaka Khliehmuchut Shangpung bad ka Lion pyrshah iaka Chutwakhu haka semifinal.

Haba phai sha ka jingialehkai Kesilroy Pala Invitation Football Tournament, ka Sailung Ialong kala jop da 2-1 iaka Nangbah Iawmusiang. Ia kine ki ar kol ka Ialong la thep da u Roikhih Nongtdu 43′ bad u Daruhi Pale 90′. Shikol ka Nangbah Iawmusiang la thep da u Tiplang Rasmut 10′.