WJDSA Third Div: Jop ka Mookynphad bad ka Pateinki Sabah

Syllad | The Rising MeghalayaJuly 20, 2023

Ka Mookynphad Mihmyndtu bad ka Pateinki Sabah kila jop pyrshah iaka Saindur Mihmyntdu bad iaka Mupliang haka jingiakhun Third Division Football Tournament kaba pynlong da ka West Jaintia District Sports Association (WJDSA) ha Kiang Nangbah Stadium haka sngi Palei.

Ka Mookymphad Mihmyntdu ka la pynliem da 2-1 ïaka Saindur Mihmyntdu. Ha kane ka jingiakhun ka Saindur kala pynkhih shuwa iaka jar lyngba Khlur Phawa 12′. Dei haka minit kaba 31′ bad 34′ ka Mookynphad kala pynphai bad pyntam kylla lyngba u Wailad Shylla bad u Haphilabet Ryngkhlem.

Ka Pateinki Sabah ka namjop jong ka kala wan da ka own goal kaba thep u nongialehkai ka Mupliang sha ka kol la jong. U Kermi Dkhar 58′ kumno re kumno ula thep sha ka kol la jong bad kane kala theh umpjah iaka jingiakhun ka Mupliang hadien ba ka jingiakhun kala iakhaid mar shikol.

Ka Mupliang ha kane ka jingiakhun kala tam shuwa sha khmat lyngba ka kol u Byforce Star Dhar 35′. Ka Pateinki kala ioh ban pyniakhaid haka minit kaba 53′ lyngba u Lakhon Dhar.

Lashai ka sngi ka jingïakhun kan long hapdeng ka Pasyih Cultural pyrshah ïaka Mookaswan Dongwah haka por 10.30 baje mynstep. Ka Mukhla Umlangchor pyrshah ïaka Loompyrdi Ïongpiah haka por 12.00 mynsngi.