World Kidney Day: Yn pynlong ka Robert Hospital bad MHIS da ka jingiaid trekking

Syllad | The Rising MeghalayaMarch 1, 2024

Ka Dr. H. Gordon Roberts Hospital, Shillong ha ryngkat ka jingiatreilang bad ka State Nodal Agency MHIS – AB-PMJAY ka sorkar Meghalaya kin pynlong ia ka jingiaid trekking shibynta ka jingrakhe ia ka “World Kidney Day” ha ka 9 tarik u Lber 2024.

Ka mat jong kane ka jingrakhe ia ka “World Kidney Day” mynta u snem ka long “Kidney Health for All. Advancing equitable access to care and optimal medication practice.”

Ka lynti na ka bynta kane ka jingiaid trekking kaba 16 kilomitar kan sdang na Mawphlang sha Lad Mawphlang (David Scott Trail). Shwa kane kan don ka jingiakynduh lang hapoh Dr H Gordon Robert Hospital Jaiaw, Shillong.

Kiba kwah ban wan iashim bynta ki donkam ban leh ia ka registration da kaba leit lyngba ka www.robertshospital.com

Katkum ki nong pyniaid ka jingpynkhreh ia kane ka prokram kan sdang naduh ka por 5:30 mynstep bad ka jingialang plie kan long ha ka por 6:30 mynstep.

Ki bus kin mih ban leit sha Mawphlang ha ka por 7 baje mynstep bad ka jingiaid lynti kan sdang na Mawphlang ha ka por 9 baje mynstep thik.

Ki bus kin wan shaw ia ki nongiashim bynta na Lad Mawphlang bad wan buh biang shapoh Robert Hospital. La kyntu ia baroh ki nongiashim bynta ba kin pynneh pynsah ia ka jingkhuid jingsuba shilynter jong kane ka lynti sahnam.