Wow pdiang ya u snem thymme da i pynkhooid chnong pynman ka Panaliar

Syllad | The Rising MeghalayaDecember 28, 2023

Kamwa jooh leh khlieh u snem chwa wow pdiang ya u snem thymme, ynne ka sngi ka Dorbar Chnong Panaliar da pynman ko ya i pynkhooid chnong ha waroh ki kyntoit ka chnong.

Ya ini i pynkhooid da pynman da ka Panaliar Khynroo Khylood Welfare Organisation (PKKWO) chirup wa ka Panaliar Women Welfare Organisation (PWWO).

Ynne da yoh u sakhi wa ki khon ka Panaliar da mih yonglang ki wow pynkhooid yaki luti syngkieñ, ki khmat yung wa kiwi kiwi wei da puchara chuni leh ya ki luti syngkieñ ha ki kyntoit ka chnong wei khamtam haphrang ka Yungwalieh.

Neiliang ka Dorbar Chnong Panaliar dap ko dei kmen mynsien wei ekhublei ko ya phi waroh ki lok ki jor najan najngai ha uni u snem warim chwa u kut u.

“To wa u snem thymme wow wan, u yohlang waroh i da i kyrkhu kyrdoh ha ki liang waroh, khamtam ha i chait i tram yoh u ye u pyndep ya iwon iwon wa damut damang” ong u Riquoma Rq. Laloo uwa man u Waheh Chnong ka Panaliar.