Yahkhmat ka ophis DC Jowai wow pynkhooid Wah Myntdu

Syllad | The Rising MeghalayaFebruary 3, 2024

Haka 2 tarik Thohlakhmi ka yung krehkam u Deputy Commissioner, West Jaintia Hills kam chibynta ka International Water Conclave 2024 da pynman ko ya ka Cleaning Drive nae i pynkhooid ia ki bynta ka Wah Myntdu nadooh Yiengkein Pamblah hadooh Treiongriang, Damser.

Ya kani ka prokram dasdang hei por step 9.00 wei da pynkut wan hei pyrdi sngi 1.00 waje heiwa ha kani ka Cleaning Drive da chimbynta chongchit da ki khynnah Scouts & Guides, ki dkhot ka JFEPA, NCC, NSS wa kiwi kiwi.

Chooh chooh kam chibynta ka International Water Conclave 2024, haka 3 tarik leh daw ptein i pynman ya ka Painting wa ka Quiz Competition ha D.C Conference Hall kawa daw yachimbynta da ki khynnah skur.