Ym don doktor Ultra Sound ha Jowai Civil Hospital Ialong, dawa thung ka KSU

Syllad | The Rising MeghalayaOctober 8, 2021

Ka Khasi Students’ Union (KSU) kala dawa na u District Medical Health Officer, West Jaintia Hills District ban dawa thung doktor Radiologist lane Sonologist ha Jowai Civil Hospital Ialong.

U president KSU Jowai circle, u Ioannis Suchiang ula ong ba kane ka jaka sumar kam don doktor ban leh iaka ultrasound ne scanning mynta la ar snem wat ki tiar ki tar ki biang nadong shadong bad ki paid nongpang kiba wan shah sumar ha kane ka jaka sumar ki hap ban leh iaka scanning sha ki jaka sumar shimet kaba buh jingeh ia u paidbah nongpang khamtam ki longkmie kiba ar met.

Halor kane ka KSU kala iakynduh ia u District Medical Health Officer (DMHO) Dr KC Ajar ban pynsngew sha u ia ka jingeh jong ki paid nongpang namar ba ki hap ban leh iaka scanning shabar ka aspatal kaba buh jingeh iaki khamtam ia kito kiba wan na ki shnong kiba jngai.

Ka KSU kala ong ba na kaliang u DMHO ula kular ban shimkhia ban peit ia kane ka jingeh u paidbah.