Ym don jaka die ticket rel shuh ha Jowai, ujor ka JSU sha ka Northeast Frontier Railway

Syllad | The Rising MeghalayaMarch 23, 2021

Mynta ka sngi ka Jaiñtia Students’Union Seng kmie (Central Body) kala phah da ka jingthoh sha U Divisional Commercial Manager ka office Jong ka Northeast Frontier Railway ban dawa ba kan buh biang ia ka Railway Booking counter ne ka jaka die ticket rel ha Jowai.

Mynshuwa ka jaka die ticket rel ka don ka ophis treikam ka MTC Jowai, hynrei hadien ka jingplud ding kane ka ophis la ar snem mynta ki nongleit nongwan shabar jylla na ri lum Jaintia ki shem jingeh ban thied ticket train ban leit donkam shabar jylla.

Ka seng JSU hadien ba lah ioh jingtip lyngba ka shithi ba phah naka ophis Northeast Frontier Railway sha u Managing Director jong ka Meghalaya State Transport Corporation haka 15 tarik u March,2021 bad ha kane ka shithi la phah khang noh shisyndon iakane ka jaka die ticket train ha Jowai.

Ka JSU kaba sngewkhia ia kane halor ka jingphah khang ka Northeast Railway Frontier (NFR) iaka jaka die ticket phah iaka shithi ban pynneh ia kane ka ticket counter ha Jowai ban kan pynsuk ia ki paidbah ka thaiñ Jaiñtia khamtam ia ki khynnah pule ka thaiñ namar kiba bun ki khynnah pule kiba leit shabar ka jylla (Study Tour) lyngba ki skul bad College kin hap ban book ia ki ticket nangne namar kadon ka bhah kyrpang kaba duna haduh 75 percent ka dor.