Ym don jingtip ka village court, kynnoh leh donbor u dolloi ban pynkylla LHC iaka patta ha Namdong A

Syllad | The Rising MeghalayaSeptember 21, 2021

Ki dkhot jong ka village court jong ka elaka Nongjngi kila pynpaw iaka jingpyrshah kaba jur halor ka jingleh bymsuidniew u Dolloi ka Elaka ma Copiousness Daw iaka jingbthah jong u Revenue Officer, JHADC halor ka kam khajia jaka hadpeng ka shnong Namdong A bad u Romario Sungoh ia kawei ka jaka kaba don ha Lamanang.

U Riyoo Pulang bad u Kiton Samati kiba dei ki dkhot jong ka village court kila pynrem ia u dolloi halor ka jingbym khot jong u kum u chariman iaka village court wat hadien bala bthah ia u da ka konsil ban pynbeit iaka jingiakhajia jaka.

“Ngi kum ki dkhot ka village court ngi sah haka umdum halor kane ka jingleh lyndet u dolloi iaka jingbthah u RO ka JHADC. U dolloi kum u chairman u la buhrieh halade ia kane ka kam ioh lehse ka don ka ei ka ei sha lyndet. Kumba la paw une u dolloi um shym la sngap ia ka jingujor jong ka shnong bad u khlem iaid ruh lyngba ka shnong halor kane ka kam ia khajia jaka,” la ong kine ki ar ngut ki dkhot ka village court.

Ha ka juh ka por kine ki dkhot ka village court kila kynthoh iaka jing rikomen ne mynjur u dolloi ban pynkylla LHC ia ki lai tylli ki jaka ba aplai une u Romario. Une u briew u don ia ka patta kaba heh 4548 square metres kaba u la pyndam bad thmu ban kylla sha ka LHC.

Kine ki ar ngut ki dkhot kila ong ruh ba une u Romario u don tang katto katne ka jaka kaba dei ka patta, hynrei la kynnoh ba u dolloi ula mynjur ban pynkylla sha ka LHC iaka jaka kaba heh da ki acres.

Ki dkhot ka village court kila pynrem ia kane ka jingleh u dolloi bad kyntu iaka ophis u RO ka JHADC ban bishar bniah halor kane ka jingthmu pynkylla LHC iaka pata ha katei ka shnong.

U Revenue Officer, ka JHADC haka shithi kaba u la phah sha u Chairman bad Secretary village haka 19 Nailar (August) 2021 ula ai por haduh 15 tark Nailur ban pynbeit ia kane kam iaknieh jaka hapdeng ka shnong bad u Romario Sungoh, pynban ka shnong Namdong A kala ong ba haduh bala kut ka tarik bala buh, u Dolloi ka Elaka Nongjngi u Copiousness Daw um shym la shim bishar ia kane ka kam.