Ym don kiba treh pyniaid iaka Baljek airport

Syllad | The Rising MeghalayaFebruary 21, 2024

U Symbud Myntri Rangbah ka jylla uba khmih ïa ka tnad Transport u Ma Sniawbhalang Dhar haka 20 tarik Rymphang, u la ong ba dang donkam sa 68 acre ka jaka ban pyniaid iaka kadlieng suiñ Baljek airport.

Haba jubab iaka jiingkylla ha ïing dorbar, u Ma Sniawbhalang u la ong “Ngi dang pyrshang ban ïoh shuh sa 68-acre ka jaka.”

Kane kala wan jia long hadien ba ka Airport Authority of India (AAI) pan jaka shuh shuh ban pyniaid iaka kad liengsuin.

Kumba ka long mynta, kane ka kadlieng suiñ ka don tang 120 acre. Ula pyntip ruh ba ka T. 3 klur la mang na ka bynta ka kylla kaba ar ban shim jaka.

U Symbud Myntri Rangbah ba ki lynti ïaid ki liengsuiñ ka dang donkam ban pynheh na ka 1100 metre sha ka 1750 metre ban hiar ki liengsuiñ ART.

U la pyntip ruh ba u Myntri Rangbah u la dep ban phah shithi bunsien sha ka AAI, hynrei ka jubab ba ki ioh kalong ba ym don kiba treh ban pyniaid ia kane ka kad liengsuin ban sdang iaki liengsuiñ rit.