Ym don kor sei pisa ha Khliehriat, hap leit sha Ladrymbai ong ka KSU

Syllad | The Rising MeghalayaMay 28, 2019

KHLIEHRIAT: Ka KSU Khliehriat Circle hadien ka jingud  jingnam u paid nongshong shnong bad ki nongshynshar shnong jong ka thaiñ Khliehriat ha kine ki sngi ba la dep halor ka jingsniew jong ka kor ATM kaba dei ka kor ba ki paidbah kilah ban sei pisa kaba don ha ka shnong Khliehriat, ka nongbah jong ka East Jaiñtia Hills District kila leit ban ïakynduh ïa u manager ka SBI Branch Khliehriat haka sngi ba ar.

Ka KSU haka jingïalam u President KSU Khliehriat Circle Streamly S Niangti bad u General Secretary Cherity Suja ha ryngkat ka jingïadonlang u District President ka KSU Ohibait Dkhar, Garland S.Manner uba dei ruh u General Secretary jong ka District Executive Committee kila ïakynduh ïa manager State Bank Of India(SBI), Khliehriat Branch ban dawa ban pynbiang mardor ïaka jingdonkam u paidbah.

U Manager ka Khliehriat Branch ula ong baka ATM Machine kumba long mynta kala jan poi bad ki dang don ha lynti. Ka KSU kala leit jurip ruh ia ka jaka ban buh ia katei ka machine bad la lap ba kila dep ban pynbiang nadong sha dong naduh ba ka seng kala dep dawa ba ki dei ban leh mardor.

Ka long kaba sngewlehrain ba kat ka District Head Quarter kala don ia ki office Sorkar bapher bapher kala don ia ki jait bank kum SBI, UBI bad kiwei kiwei, hynrei ka State Bank of India pat wat tang kawei na ki ATM Machine kam don ha katei ka thain bad ki paidbah ban sei pisa ki hap ban leit shaduh sha Ladrymbai tang ban ioh sei pisa ha ki jingdonkam ba kyrkieh, ïathuh Streamly Niangti.

Ka seng kala dawa shuh shuh na ka tei ka bank paidbah ka dei ban buh ym tang ia ka ATM Machine ban ioh sei pisa, hynrei la dawa ruh ba katei ka bank ka dei ruh ban buh sa ia ki wei pat ki kor ATM/CDM bad ka kor update pass book.

Ka KSU kala dawa ba ka SBI ka dei ban pynbiang ïa kine ki kor hapoh shibnai ban suk u paidbah bat hep bad sei pisa na ka bank.