Ym don nong Pakistan ba shong ba sah ha Shillong: Vivek
U Superintendent of Police ka East Khasi Hills, u Bah Vivek Syiem haka sngi Nyngkong u la pyntip ba ym don satia ki nong Pakistan kiba shong ba sah ha kane ka nongbah Shillong bad hapoh ka District hi baroh kawei.
Haba kren sha ki lad pathai khubor, u Bah Vivek u la ong, “Watla katta ka jingtohkit bniah ka dang iai bteng ban peit ia ki kot ki sla la don ne em kiba la wan rung. Hynrei kat haduh mynta hi ym pat shym la lap ia kino kino ki nong Pakistan ha Shillong.
Ha ka 25 tarik Iaiong, ka tnad pulit ka Jylla ka la bthah ia baroh ki nong Pakistan lait noh kito kiba don ia ka Visa kaba lah ban shong slem, ki Diplomat bad ki Official Visa ba ki dei ban mih noh mardor na u pud u sam jong ka Ri India ha lane shwa ka 27 tarik Iaiong.
Kito ki nong Pakistan kiba wan da ka Medical Visa la bthah ba kin mih noh na kane ka ri ha lane shwa ka 29 tarik Iaiong, bad kito kiba wan da ka SAARC Visa la bthah ba kin mih noh ha lane shwa ka 26 tarik Iaiong.
La maham tyngeh ruh ba kito ki bym bud ia kane ka jingbthah kin ngat ha ka jingshah pynsaja katkum ki lynti jong ka ain.
Facebook
Instagram
Youtube
Twitter
Leave a Reply