Ym ithuh shuh ka MFA ia ka Thadlaskein Sports Association

Syllad | The Rising MeghalayaAugust 16, 2023

Na ka liang ka Meghalaya Football Association (MFA) ka la ioh jingtip ba ki don ki katto katne ki riew shimet kiba khot pynlong ia ka ‘Football League’ da kaba pyndonkam ia ka kyrteng jong ka  Thadlaskein Sports Association.

Hynrei, na ka liang ka MFA ka pyntip ba ia ka Thadlaskein Sports Association la sospon da ka Meghalaya Football Association ( MFA ) bad kam dei shuh kaba la ithuh. Kino kino ki Tournament ne League ki ba la khot pynlong da kane ka Association kim dei shuh kiba la ithuh da ka MFA.

Ka MFA ha u kyrwoh lyngba u Bah D. Ryntathiang Acting Secretary ka la ong ruh ba mynta ka MFA ka dang pyrshang ban thaw bad pynrung ia ki kynhun kiba ia don bynta ha ka ban kyntiew ia ka jingialehkai football ha Thadlaskein bad ban pynkhie im biang ia ka kynhun ka ban pyniasoh sha ka MFA.

Nalor kata ka MFA ka la ong ruh ba kam don da kumwei pat lait noh ha kaba iadei bad ka jingpyrshang ban kyntiew ia ka jingialehkai football ha ka jylla bad ban pan ia ka jingiatreilang jong baroh ki riew shemphang kiba don ia ka jingangnud.

Shuh shuh ka la ong ruh ba na ka liang ka executive committee ka MFA  kan ym shim sting satia halor kano kano ka jingpyrshang da ki riew shimet ne kynhun ban pynthut ia kane ka sienjam ka jong ka.