Ym lap Doktor ha PHC Mynso: JSU

Syllad | The Rising MeghalayaMarch 19, 2019

JOWAI: U President Jaiñtia Students’Union (JSU), u Lawyer Son War, u la ong ba ka JSU ka dap da ka jingsngewkhia kaba jur hadien ba kala ioh ïaki jingujor na ki paidbah ka thain Mynso West Jaiñtia Hills District, kiba la ud bad pynsngew ia ka jingshem jingeh jong ki ban leit shim dawai na ka PHC Mynso.

Une u nongialam ka JSU, ula ong ba bunsien ki nongpang haba ki leit sha katei ka jaka sumar sorkar kim juh kham ia kynduh iaki doktor. Haka sngi Saitjain bad ka sngi U Blei bad haka por mynmiet ym don doktor ne nurse basah ha katei ka jaka sumar.

Kane ka jaka sumar ka don 2 ngut ki Doktor, hynrei kiba bun ki nongpang ki la ong lada ki lap Doktor ruh tang haka por 11 baje mynstep haduh 1 baje shiteng sngi ki la leit phai noh, la ong u nongialam ka JSU.