Ym pat don ba wan kam ia ka metiap na Civil Hospital

Syllad | The Rising MeghalayaDecember 20, 2023

Ka Additional Director of Health Services, Civil Hospital, Shillong ka pyntip ba ym pat don ba wan kam ia ka metiap jong uwei u nongpang uba la khlad noh ia uba la tip kyrteng kum u Banteilad Lyngdoh Peinlang, 29 snem rta, uba shong ba sah ha Dong gate, Nongpoh.

Une u briew u la wan shah sumar hapoh kane ka hospital hapoh C.C.U. ha ka 08.12.2023 bad u la khlad noh ha ka 17.12.2023 ha ka por 12:30 mynstep.

Kumta la kyntu ia kiba haiing hasem bad kiwei pat kiba don jingiadei bad une u rangbah ba kin wan shimti noh mardor ia kane ka met kaba don mynta hapoh ka jaka buh metiap jong kane ka hospital hapoh ka lai sngi naduh ba la pynmih ia kane ka jingpynbna paidbah shwa ban aiti noh ia kane ka met shapoh ka Shillong Municipal Board ban leh ia kaba donkam.