Ym pat lah rai iaka bai kit dewbilat thymmai, byrthen iakhih biang ka JAC

Syllad | The Rising MeghalayaSeptember 4, 2020

Ka JAC kala rai ban ai por iaka sorkar Jylla haduh ka 11 tarik une u bnai ban pynbna iaka dor bai kit dewbilat bad clinker (dew saiñ dewbilat) ba thymmai bad lada ka sorkar kam lah ban ai iaka rai kaba khatduh, ka JAC kan bteng ban pynlong iaka jingiakhih kaba khlem buh por.

U Publicity Secretary ka JAC, Jersom Shylla ula ong ba haduh mynta ka sngi ym shym la lah ban pynbeit iaka dor bai kit dewbilat bad clinker ba thymmai.

Ula ong ba u Commissioner Secretary ka tnad Transport ula khot ka jingialang hadpeng ka JAC kaba kynthup iaki nongialam ka Meghalaya Truckers Union (MTU), All Jaintia Hills Clinkers and Cement Association (AJHCCA), Jaintia Hills Truck Owners and Driver Association (JHTOA) bad ki nongialam jong ka Jaintia Hills Cement Manufacturer Association (JHCMA) ha Conference Hall, Main Secretariat.

Ula ong ha kane ka jingialang la rai baroh arliang mamla kin pynpoi da ka jingthoh iaka jinglut jingsep bad u Myntri Rangbah un ai ka rai kaba khatduh haka 11 tarik une u bnai.

Katkum ka jingpynbna jong ka sorkar Jylla haka 13 tarik Kyllalyngkot 2020 la kyntiew ia ka dor sha 9 tyngka haka shi kilometre shiton haka surok rong, T.10 shi ton haka ki surok maw bad haka surok khohruh khohram T.12 shi ton.

“Ka JAC ruh kala dawa ban pyntreikam ia kane ka dor, hynrei namar baka JHCMA ka kyntait bad la bun bun tylli ki jingialang la long hadpdeng kine ki arliang mamla bad ka sorkar. Lada ngim ioh ka dor bai kit thymmai kaba biang, ngim banse ban pynlong da ka jingiakhih kaba khlem buh por hadien ka 11 tarik une u bnai,” la ong u Jersom.