Ym pat rai pynbna kyrtong ka NPP na ka bynta ka Bye-Election ha Gambegre

Syllad | The Rising MeghalayaJuly 10, 2024

U National President ka Seng National People’s Party (NPP) uba dei ruh u Myntri Rangbah ka Jylla u Conrad K Sangma ha ka 10 tarik mynta u bnai u la pyntip ba ka National Committee jong ka party kan dang shim rai halor ka jingai jingmut ba la phah da ka State Committee ha kaba iadei bad u/ka kyrtong ban iakhun ia ka elekshon shiteng samoi na Gambegre Assembly seat.

Ia kane u Conrad u la pynpaw haba jubab ia ka jingkylli la ka NPP ka la mynjur ne em ia ka kyrteng ka kurim jong u ka Dr. Mehtab Chandee Sangma ba kan long ka kyrtong.

“Ngi la ioh pdiang ia ki jingai jingmut na ka State Committee ka NPP hynrei na ka liang ka National Committee kan dang shon ban iakren halor kane ka phang. Kumta tad hadien ba ka National Committee kan shong iakren ia kane ka jingtyrwa kan sa shim ia ka rai kaba khatduh. Kumta ngi dang ap ia kane, bad kumta ruh ka long kaba eh ia nga ban jubab mynta,” ong u Sangma.

Nalor kata u la ong ruh ba ia kane ka kam ia mynta hi ym pat lah satia ban pynbna paidbah.