Ym patiaw ki karkhana dewbilat iaka jingiakhih ka JHTOA

Syllad | The Rising MeghalayaDecember 8, 2021

Ka jingiakhih ban sangeh kit dewbilat bad clinker jong ka Jaintia Hills Truck Owner’s Association (JHTOA) kala poi shaka sngi kaba lai, pynban ki kharkhana dewbilat na Rilum Jaintia kim shym la khih khohreh ban pynurlong iaka jingdawa jong ka seng ki trai trok.

Kane ka jingiakhih sangeh kit dewbilat bad clinker kala sdang naduh 6 tarik bad ka JHTOA kala rai ban iakhih khlem buh por tad haduh ba kala ioh iaka jingdawa kata ban pyntreikam iaka dor bai kit bai bah thymmai haka dor T.7 shi metric ton shi kilo metre.

Ka JHTOA kala pynphai lut ia baroh ki trok jong ki karkhana kit dewbilat bad clinker ha Tuber Takhniang, East Jaintia Hills District. Nalor ba ka JHTOA kala pynphai ia kiba kit dewbilat bad Clinker kala pynphai ruh ai kiba thmu ban leit buh mar sha ki karkhana dewbilat bapher bapher ha Elaka Narpuh.