Ym pdiang tang ka voter slip, rah ïaki EPIC ne kiwei ki kot ba pynithuh ïalade haka sngi thep vote

Syllad | The Rising MeghalayaApril 9, 2019

JOWAI: U District Election Officer ka West Jaiñtia Hills u la pyntip bad pynkynmaw ïa baroh ki nongthep vote bala ïoh ïaki Photo Voter Slip, hynrei tang kane ka slip ym lah ban pdiang ha ka jaka thep vote. Kumta la pynkynmaw ba donkam ban rah lang ïaki EPIC lane kawei na ki kot kaba lah ban pynithuh thikna ialade bad ba la lah ban pdiang haka jaka thep vote katkum ka jingbuh ryntih da ka Election Commission jong ka Ri India- kum ki passport ba dang trei kam, ki driving license, ki Service identity card kiba don dur ba la ai ki ophis sorkar pdeng ne Sorkar jylla, ki Public sector undertaking, public limited companies, ki passbook ba dang don dur ba la plie ha ki bank ne post office, PAN card, Smart card ba la ai na ka RGI hapoh NPR, MNREGA job card, Health Insurance Smart Card ba la ioh na ka Minister jong ka labour, ki pension payment order ba don dur, ki official identity card ba la issue da ki MP, MLA ne MDC lane ka ADHAAR card ba ioh ban thep vote.