Ym shah rung iaki briew ba nabar shnong: Demthring

Syllad | The Rising MeghalayaApril 7, 2020

Ka Dorbar Shnong Demthring, West Jaiñtia Hills District, kum shibynta ka jingiakhun ia ka khlam COVID-19 (Coronavirus), ka Executive Committee jong ka shnong naduh mynta ka  sngi 07.04.2019, kala shim ïa ka rai ban khang ïa baroh ki briew kiba na bar shnong ban rung ban mih hapoh ka shnong Demthring, lait noh tang kiba la ïoh car pass na ki bor District.

Na ka liang ka shnong ka la ong ba ia kito ki briew na bar kiba donkam shapoh ka shnong ki dei ban pan jingbit ne ai jingtip shwa sha ka Dorbar Shnong.

Ka Shnong ka kyntu ia ki paidbah ba kin bud ryntih ruh ïa ki jingbthah jong ka sorkar naduh ban pyndonkam ïaki mask bad ban kiar na ki jaka bun briew ban ïada na u khniang coronavirus.

Kino kino kiba ïaid lait ïa kane ka Dorbar Shnong kan sa aiti beit sha ka aiñ, ong u kyrwoh bala phah u Waheh Shnong u ma KL Dkhar bad General Secretary ma MS Ryngkhlem.