Ym shngain ka surok Rymbai Bataw Borkhat, shah lun maw ka trok ong ka FKJGP

Syllad | The Rising MeghalayaMarch 6, 2021

Ki briew kiba ym lah satia ban iathuh kila lun maw ia kawei ka trok kaba don u number AS 01 FC 7358  hynnin ka miet Thohdieng ha Lad Bataw, East Jaintia Hills District.

Ha kane ka jingjia u nongniah kane ka trok u Meking Siangshai bad u Omega Sumer organising secretary FJKGP, SEBA kila lait thaw ha kane ka jinglun maw kine ki runar kiba ym lah satia ban ithuh.

“Ki runar kila pynwit pynthud iaki paidbah da kaba pakhang lynti da ki maw ha shilynter ka surok kaba buh jingma iaka iaid ka ieng u paidbah,” la ong Omega Sumer organising secretary FJKGP, SEBA

Ki dkhot bad ki nongialam ka KFJGP kila pyntip sha u Waheh Shnong Bataw Ma Bhalang Suchiang, uba la kubur ba kum kine ki jingjia ki jia naka por sha ka por ha kiba ki runar bunsien ki pyndik ia ki nongleit nongwan.

Ula maham iaki nongshong shnong ka Bataw ba kim bit ban leh kino kino ki kam kiba pynbud nam iaka shnong ka thaw.

U Deihok Sumer, President ka FKJGP-Bataw Unit kila kyntu iaki bor pulit ban pahara ha ki bynta katei ka surok bad ban khanglad iaka jingthmu ba sniew jong ki runar.