Yn buddien ka JSM ban ïoh skulbah pule engineer ha Rilum Jaiñtia

Syllad | The Rising MeghalayaFebruary 6, 2020

JOWAI: Ka Jaiñtia Students’ Movement (JSM) kala rai ban buddien ban pynurlong ïaka jingangnud ki samla ban ïoh ïaka skul bah pule engineer bad ka Science College ha Rilum Jaiñtia.

U President jong ka JSM u Leningstar Rymbai haka jingialang General Executive Committee jong ka JSM Western Region haka sngi Palei ha Jowai, ula ong ba ka Engineering College kaba don ha  Thadmuthlong bad ka Science College ha Mustem ïa kaba ka sorkar ka la dep ioh iaki jaka hynrei haduh mynta ka kam ka long kaba dang sahteng ban shna iaki jingtei.

Une u nongialam rangbah ka JSM ula ban jur ïaki nongialam bad ki dkhot ka Western Region ban buddien ïa kine ki mat khnang ba ka sorkar kam leh kuman ban pynioh ïa kine ki  skul ban myntoi ki samla pule kane ka thain.

Ha kane ka jingialang la iadonlang u Pilarstone Phawa Joint Secretary Central Body, u Shnalad Rymbai President ka Eastern Region bad u Juh Shylla Executive Member Central Body.

U Leningstar ula kyntu ia ki dkhot ka Western Region ban buddien ruh iaka issue halor ka jingdawa Civil Sub- Division iaka C&RD Block Laskein kawei na ka Block kaba rim tam bad kaba heh hapoh Jaintia Hills kaba la dei hok ban pynkiew kyrdan sha ka Civil Sub-Division.

Ula pynkynmaw iaki dkhot ba ka seng kan nym pdiang iaka rukom treikam jong ka JMB da kaba la rai ban pynduh mardor ia kane ka tnad hapoh ka sor Jowai.

Ha kane ka jingialang ban pynkhlain iaka rukom treikam ka seng na ka bynta ka thain west Jaintia Hills la thung President ia u  Shabor Pala ha Jowai City Circle bad ha Nartiang Circle la thung President da u Hed Phalangki ha ka jaka u Wednesday Dkhar.