Yn buh Corona Care bad Oxygen plant ba pura ha West Jaintia Hills: Lahkmen

Syllad | The Rising MeghalayaMay 6, 2021

Ki MLA jong ka rilum Jaintia haka sngi Palei kila shim iaka rai ban tyrwa sha ka sorkar ban buh iaka Corona Care kaba pura ha West Jaintia Hills District ban pynsuk iaka tnad ka koit ka khiah ban sumar iaki briew kiba iabit khlam COVID-19 bad ban lait na kaba phah kit iaki nongpang sha ki jaka sumar kiba ha sor Shillong.

Ia kane ka rai la shim haka jingialang review meeting kaba iadonlang ki Myntri Sorkar bad MLA naduh u ma Lahkmen Rymbui, u ma Sniawbhalang Dhar, Comingone Ymbon, Wailadmiki Shylla bad u Deputy Commissioner, West Jaintia Hills District, Garod LSN Dykes, ki ophisar jong ka tnad ka koit ka khiah nalor kiwei kiwei ki tnad sorkar ban shim jingkhein halor ka jingpynkhreh ka Jaintia Hills ban iakhun pyrshah iaka khlam COVID-19

U Myntri ka tnad pohïing u ma Lahkmen Rymbui haba kren bad ki nongthoh khubor hadien ka jingialang ula ong ba ka jingpynlong ia kane ka jingialang kadei katkum ka rai jong ka sorkar ban shim jingkhein halor ka jingpynkhreh ban iakhun iaka khlam COVID-19.

U Ma Lahkmen ula ong ha kane ka jingialang la rai ban buh iaka Corona Care Centre kaba pura ban pynsuk iaka tnad ka koit khiah ban sumar iaki nongpang bad ban lait ban phah iaki nongpang sha ki jaka sumar ha ka sor Shillong.

Nalor kata u la iathuh ba iaka Oxygen plant la buh Jowai Civil Hospital, Ialong bad ka jingpynkhreh ban shna kala iaid shait shait.

U ma Lahkmen ula ong shuh shuh ba kila iakren ruh ha kaba iadei bad ki kali kit nongpang naduh ban pynbiang iaki 108 Ambulance bad kiwei kiwei ki kali ambulance kiba dang lah ban kyrshan ha kaban kit nongpang.

Shuh shuh ula pynshlur ia baroh kiba biang ka rta 45 snem shaneng ban ai tika COVID-19 vaccination namar ba ka duna bha ka jingai tika bad haduh mynta ka dang kot tang 36.6 percent kiba la ai tika. Ki don haduh 41 hajar ngut kiba la biang ka rta ban ai tika COVID-19, hynrei haduh mynta ki don tang 14 hajar kiba la wan shakhmat ban ai tika.

Ha kaba iadei bad ki mar bam mar dih, haduh mynta ka bor district ka dang biang bad kam don kano kano ka jingduna stock bad ki paidbah kim dei ban her syrngiew ban thied ne ban rong ia ki mar shibun na ki iew ki hat.

U Ma Lahkmen ula ong ruh ba ba ha kaba iadei bad ka jingiathoh shongkurim bad ka jingjia iap briew la kyntu iaki waheh shnong bapher bapher ban pyrkhing hala ki shnong ki shnong jong ki khnang ban pynduna iaka jingialum ki briew ha kum kine ki jaka.

Ia ka rai jong kane ka jingialang yn iakren haka jingialang ka ban long haka 8 tarik hadpeng ka kynhun myntri bad u myntri rangbah ka jylla.