Yn chargesheet ki pulit ia ki 5 ngut ki KSU halor ka jingjia shah pyniap ha Ichamati, Mawroh

Syllad | The Rising MeghalayaMay 15, 2024

Ka Tnat pulit ka Jylla ka la pynkhreh ban chargesheet pyrshah ia ki san ngut ki dkhot jong ka Khasi Students’ Union (KSU) kiba la shah kem noh halor ka jingshah kynnoh donkti halor ka jingshah pyniap jong ki laingut ki nongtrei bylla bar Jylla kaba la jia hapoh Ichamati bad ha Mawlai Mawroh.

Haba kren sha ki lad pathai khubor u Superintendent of Police (SP) ka East Khasi Hills u Ritura Ravi u la ong, “Ngi la shim ia baroh ki sienjam ban pynkloi ia ka jingtohkit bad ban pynthikna ban pyndep ha ka por kaba biang ban aiti ia ka chargesheet halor baroh kine ki laitylli ki jingjia.”

Nalor kata u la ong ba ki sawngut ki dei kiba la shah kem halor ka jingjia shah pyniap ha Ichamati bad uwei halor ka jingjia kaba la jia ha Mawlai Mawroh.