Yn dang rai ka BJP ban pynieng kyrtong ha ka Bye-Election ha Gambegre constituency

Syllad | The Rising MeghalayaJuly 15, 2024

Ka Bharatiya Janata Party (BJP) kan dang shim ia ka rai na ka bynta ban pynieng kyrtong ha kane ka elekshon shiteng samoi (Bye-Election) ha Gambegre constituency.

“Ngin mih ban ia aireng ha kane ka elekshon shiteng samoi na Gambegre Assembly seat,” ong u nongialam ka BJP uba dei ruh u Myntri ka sorkarJylla u Bah AL Hek haba kren sha ki lad pathai khubor ha ka 15 tarik Naitung.

Hynrei watla katta u la ong ba ka party kam pat shym la shim ia ka rai halor ka jingjied ia ki kyrtong na ka bynta kane ka elekshon.

“Ngam lah ban iathuh haphi namar ngim pat ioh pdiang ia ki nongthep kyrteng, hynrei mar ia ioh pdiang ia ki nongthep kyrteng ngin sa nang jied ia ki kyrtong kiba biang tam,” u la bynrap.

Haba kylli la ka BJP ka don ne em ia ka jingkyrmen namar ka NPP kan pynieng da ka kurim jong u Myntri Rangbah ka Jylla ha kane ka elekshon ka ban wan, u Bah Hek u la ong, “Ka elekshon ka dei hi ka elekshon. Ngin hap ban iakhun pyrshah ha ka jingialeh kaba jwat bha, tang kata hi nga tip.”

Nalor kata u Bah Hek u la ong ruh, “Ka BJP ka dei ka National party bad ngin mih ban iakhun ia kane ka elekshon, bad ka kabu ka shong eh ba haduh katno ngut ki kyrtong kiba thep kyrteng. Mynta ka dang kloi palat ban kren halor kane ka phang,”

Katba halor ka jingkylli ba ka Congress ka la nang ioh bor hapoh Rilum Garo, u Bah Hek u la ong, “Nga tip tang shaphang ka BJP bad Ngam lah ban kren ei ei ha kaba iadei bad kiwei pat ki party sain pyrthei.”