Yn iakhun ka NPP bad TMC ha ka bye-election ha Gambegre; ka Congress ka la kut: Rakkam

Syllad | The Rising MeghalayaSeptember 17, 2024

U Nongialam ka NPP uba dei ruh u Myntri Sorkar u Rakkam A Sangma haka 16 tarik Nailur ula pynpaw ba ka jingiakhun kane ka elekshon shiteng samoi (Bye-Election) ha Gambegre kan long hapdeng ka NPP bad ka Trinamool Congress (TMC).

Haba kren sha ki lad pathai khubor, u Rakkam u la pynpaw ia ka jingkyrmen kaba skhem halor ka jingioh jingkyrshan jong ka NPP lyngba ka jingwan jong ki paidbah sha ki rynsan ialap elekshon jong u. U la ong ruh ba u la iashim bynta ha kumba 9 bad 10 tylli ki jingialap elekshon ha kylleng ki jaka hapoh Gambegre.

Da kaba kam ba ka NPP kala jam shakhmat ban ia ka TMC bad ka Congress, u Rakkam u la ong, “Ka Congress kam don lawei shuh. Peit ki laingut ki MLA jong ki, ki la wan pyniasoh sha ka NPP. Ka Congress ka la thylli.”

Shuh shuh haba kylli halor ka Congress khamtam ba ka Gambegre ka dei kaba la mihkhmat da u nongialam ka Congress u Saleng A Sangma uba la shah jied kum u MP ka Lok Sabha napoh Tura, na ka liang u Rakkam u la ong ba ka Congress hi kam don jingkyrmen bad kam don lawei shuh hapoh Rilum Garo.

Ha kajuh ka por u la kyntait ruh ia ki jingkynnoh ba ki la don ki jingsdang pyntrei ia ki kam pynroi dang shen hapoh Gambegre namar kane ka elekshon ka ban wan.