Yn iaknieh nam lahduh ka Lumshnong bad ka Dkhiah West haka 3rd Div ka EJHDFA

Syllad | The Rising MeghalayaOctober 12, 2024

Ka Lumshnong YWSC bad ka Dkhiah West ki dei ki ar tylli ki kynhun ban iaknieh iaka nam lahduh haka kyrdan 3rd Division Football Tournament kaba pyniaid da ka East Jaintia Hills District Fottball Association.

Kane kala wan hadien ba kine ki ar kynhun kila jop haka semifinal kaba long ha madan Diengshynrum haka 12 tarik Risaw.

Haba sha ka namjop ka Lumshnong kala wan pyrshah iaka Moopyniein da 3-0 kol. Ia kine ki lai kol la thep da u Misting Lamin (36) Skhemborlang Rupai (47) bad Amorous Lyngdoh (80).

Ka Dkhiah West pat kala jop iaka Tuber Kmaishnong da 1-0. Ia ka namjop kine ki kynhun la rai hadien bala rah iaka jingiakhun sha ka extra time. Ia kane ka shikol la thep da u Dawrup Tlang (84).